«ҚазҚСҒЗИ» АҚ ҚР ЕЖ EN құрылыс нормаларын енгізу және оларды тәжірибеде қолдануға арналған оқыту семинарын өткізді. Бұл нормалар Еурокодтармен үйлестірілген және семинар құрылыс саласының мамандарына, жобалаушылар мен инженерлерге арналған.

Нормативтік құжаттарды әзірлеуге тікелей қатысқан институттың жетекші мамандары дәріс оқыды. Қатысушылар Еурокодтарда көзделген қағидаттар мен тәсілдермен танысып, бұл нормаларды қазақстандық құрылыс практикасына бейімдеу мысалдарын қарастырды

Еурокодтар — бұл азаматтық мақсаттағы ғимараттар мен құрылыстарды жобалауға арналған еуропалық техникалық стандарттар. Қазақстанда олар 2015 жылдан бастап бұрын қолданыста болған нормалармен қатар қолданылып келді, ал 2019 жылдан бастап біртіндеп сол нормалардың орнына ене бастады.

ҚР ЕЖ EN құрылыс нормаларын, яғни Еурокодтарға баламалы құжаттарды қолдану бойынша оқыту – құрылыс саласындағы мамандар үшін біліктілікті арттыруға, кәсіби білімдерін жаңартуға және нормативтік құжаттаманың заманауи талаптарына сай болуға қажет.

Оқу соңында қатысушыларға курсты өткенін растайтын сертификаттар берілді.

Бұл іс-шара Қазақстандағы жобалау және құрылыс саласында халықаралық стандарттарды ілгерілетуге бағытталған стратегиялық жұмыстың бір бөлігі болып табылады.

Егер сізді жаңа құрылыс нормалары бойынша оқыту қызықтырса, бізге хабарласыңыз:

📞 Телефон: +7 (747) 147 7666 — Сүгірбаева Ж.

📧 E-mail: zhannet@kazniisa.kz