ҚР Өнеркәсіп және құрылыс министрлігінің алаңында Қазақстанда құрылыс жобаларын ақпараттық модельдеу технологиясын (ҚЖАМТ) енгізу бойынша дөңгелек үстел өтті. Іс-шара құрылыс және жобалау ұйымдарында BIM-технологияларын енгізу бойынша жоба менеджерлерінің басын қосты.

Дөңгелек үстелді ҚР Өнеркәсіп және құрылыс вице-министрі Жәннат Дүбірова ашты. Өзінің кіріспе сөзінде ол құрылыс жобаларының өмірлік цикліндегі процестерді басқару және елдегі құрылыс процесінің сапасы мен тиімділігін арттыру мақсатында BIM технологияларын пайдалану үшін цифрландырудың маңыздылығын атап өтті.

«Қазақ құрылыс және сәулет ғылыми-зерттеу институты» АҚ Дамыту және цифрландыру жөніндегі басқарушы директоры Александр Шахнович «ҚЖАМТ енгізу тұжырымдамасын жаңарту» тақырыбында баяндама жасады. Ол ҚЖАМТ-тың әдістемелік аспектілеріне және Қазақстандағы құрылыс индустриясының алдында тұрған қиындықтарға тоқталды. Басқа баяндамаларда жеке секторда BIM пайдалану, соның ішінде «Engineering Center Ltd.» компаниясының тәжірибесі, сондай-ақ «Мемлекеттік сараптама» мемлекеттік кәсіпорнында әзірленген ақпараттық үлгілерді сараптау тәжірибесі туралы айтылды. Қатысушылар белсенді пікір алмасты, бұл ақпараттық модельдеу технологияларын енгізу мүмкіндіктерін тереңірек түсінуге ықпал етті және Қазақстанның құрылыс саласына ҚЖАМТ енгізу тұжырымдамасын қайта қарауды қолдайтындықтарын білдірді.

Дөңгелек үстел соңында маңызды аспектілерді нақтылауға және құрылыс саласындағы мемлекеттік органдар мен жеке сектор арасындағы ынтымақтастықты нығайтуға мүмкіндік берген сұрақ-жауап отырысы өтті. Іс-шараның қорытындысы бойынша вице-министр Ж. Дүбірова әзірлеушіге Тұжырымдаманы пайдаланудағы ақпараттық үлгілерді қолдану, машиналық оқытуды пайдалану бойынша мәліметтерді жинақтау, құрылыс жобаларының әртүрлі стейкхолдерлер үшін жеңілдіктерді тұжырымдау және құрылыс жобаларында қолданылатын объектілердің соңғы классификациясы туралы ережелермен толықтыруды тапсырды.

Құрылыс саласын цифрландыру бойынша фокус-топ тұрақты негізде жұмыс істейтін болады.