Қазақ құрылыс және сәулет ғылыми-зерттеу және жобалау институтында ақпараттық модельдердегі деректерді басқаруға арналған семинар өтті. Іс-шараға даму жөніндегі директорлар, жобалардың бас инженерлері және жобалау және құрылыс компанияларының BIM-менеджерлері қатысты.

Жобалау және құрылысты басқару нарығының қарқынды дамуы жағдайында BIM (Building Information Modeling) технологиясы IFC ашық форматын қоса алғанда, әртүрлі форматтағы геометриялық модельдер арқылы ақпарат алмасуды талап ететін компаниялардың табысты жұмысының негізгі элементіне айналды. Семинар барысында Қазақстан Республикасының құрылыс саласына объектілер құрылысын ақпараттық модельдеу (ТИМСО) технологиясын енгізудің өзекті мәселелері мен практикалық тәсілдері қаралды.

«ҚазҚСҒЗИ» АҚ дамыту және цифрландыру жөніндегі басқарушы директоры Александр Шахнович ТИМСО енгізу тұжырымдамасын өзектендіру бойынша атқарылып жатқан жұмыстарды жария етті. Бұл бастаманың негізгі мақсаты-BIM технологияларын іс жүзінде белсенді қолданатын кәсіби қоғамдастықпен пікір алмасу.

BIM-Cluster консалтингтік компаниясының және "Тангл" IT-компаниясының бас директоры Андрей Белкевич ақпараттық модельдердегі деректерді басқарудың әдістемесі мен практикалық жағдайлары туралы айтып, осы саладағы озық шешімдері мен тәсілдер туралы тәжірибесімен және білімімен бөлісті.