Астанада құрылыс салушылардың республикалық форумы өтті. Іс-шара Қазақстанның құрылыс салушылар қауымдастығының 20 жылдығына орай ұйымдастырылды. Форумға ҚР Құрылыс және тұрғын үй-коммуналдық шаруашылық істері комитеті мен жергілікті атқарушы органдардың өкілдері, қауымдастықтың мүшелері және серіктестері қатысты. Олар құрылыс саласының өзекті мәселелерін және оның даму жолдарын талқылады.

"ҚазҚСҒЗИ" АҚ құрылыстағы нормалау орталығының директоры Хасен Арман спикер ретінде сөйлеп, баға белгілеудің өзекті мәселелері және материалдар мен жабдықтарды пайдаланудың өмірлік циклін ескере отырып, осы процеске көзқарастарды жаңарту туралы айтты.

Хасен Арман баға белгілеудегі негізгі проблемалар әртүрлі аймақтар мен компаниялардағы материалдар мен жұмыстардың құнын бағалау әдістеріндегі айырмашылықтармен байланысты екенін атап өтті. Бұл айырмашылықтар сметалық қайшылықтарға әкеліп, ұсыныстарды салыстыруды қиындатады дұрыс шешім қабылдауды және жоба бюджетін жоспарлауды күрделендіреді. Ол сондай – ақ материалдар мен жабдықтардың бүкіл өмірлік циклін-сатып алудан бастап, пайдалану мен жоюға дейін ескере отырып, баға белгілеудің тәсілдерін жаңарту қажеттілігін атап өтті. Бұл шығындарды дәл болжауға және экономикалық тұрғыдан үнемді шешімдерді таңдауға мүмкіндік береді.

Сонымен қатар, цифрлық платформалар мен құрылыс материалдарының бағасын бақылау және талдау құралдары сияқты заманауи бағалау технологиялары мен әдістерін енгізудің маңыздылығы атап өтілді. Бұл технологиялар баға белгілеу процесінің дәлдігі мен жеделдігін едәуір арттыруға көмектеседі.

Іс-шара соңында пікірлер алмасып, қозғалған мәселелер бойынша қорытынды шығарылды. Форумға қатысушылар құрылыс саласын дамытудағы өзекті мәселелер мен ұсынылған шешімдерді талқылап, сондай-ақ баға белгілеу, мемлекеттік сатып алу, ипотекалық бағдарламаларды жақсарту және құрылыс бизнесін қолдау бойынша ұсыныстар айтты.