Италияның Милан қаласында өткен жер сілкінісіне төзімді құрылыс жөніндегі 18-ші дүниежүзілік конференцияның (WCEE2024) аясында Халықаралық жер сілкінісіне төзімді құрылыс қауымдастығының (IAEE) Бас Ассамблеясы өтті.
Бұл маңызды оқиға сейсмикаға төзімді құрылыстағы өзекті мәселелерді, жетістіктер мен инновацияларды талқылау үшін 80-нен астам елдің сейсмикалық инженерия саласындағы жетекші сарапшыларын жинады. Қазақстан атынан "ҚазҚСҒЗИ" АҚ өндіріс жөніндегі басқарушы директоры Ералы Шоқбаров қатысты.
IAEE Бас Ассамблеясында сейсмикалық қауіпсіздікті жақсарту және құрылысқа озық технологияларды енгізу туралы негізгі мәселелер қаралды. Қатысушылар білім мен тәжірибе алмасып, өз зерттеулерін ұсынып, ағымдағы жобаларды талқылай алды.
Ассамблеяның күн тәртібіндегі маңызды бөлімнің бірі жер сілкінісіне төзімді құрылыс бойынша келесі 19-шы Дүниежүзілік Конференция өтетін елді анықтау болды. IAEE-ге қатысушы елдердің ұлттық делегаттары 2028 жылы іс-шараны ұйымдастыру үшін өз қалаларын ұсынатын кандидаттар (Канада, Үндістан, Мексика, Жаңа Зеландия, Тайвань және АҚШ) арасынан таңдады. Бұл оқиға әрдайым үлкен қызығушылық тудырады және сейсмикалық инженерия саласындағы халықаралық ынтымақтастықтың бағытын анықтайды.
Келесі конференция өтетін елге дауыс беру жауапты кезең болып табылады, себебі қабылдаушы тарапты таңдау жер сілкінісіне төзімді құрылыста білім мен инновацияларды тарату бойынша жұмысты жалғастырудың маңыздылығы жоғарлайды.
Дауыс беру қорытындысы бойынша WCEE жер сілкінісіне төзімді құрылыс бойынша 19-шы Дүниежүзілік конференция Канададағы Монреаль қаласында өтеді деп шешілді.