«Қазақ Құрылыс және сәулет ғылыми-зерттеу институты» АҚ мамандары Шымкент қаласындағы құрылыс алаңында темірбетон қадаларын пайдалана отырып, топырақты статикалық сынауды аяқтауда. Зерттеу 800 төсекті көпсалалы университеттік аурухана мен бір ауысымда 700 адам қабылдайтын клиникалық-диагностикалық орталықтың орнында жүргізілуде. Бұл жоба аймақтағы денсаулық сақтауды дамыту үшін ерекше стратегиялық маңызға ие.

Сынақтар топырақтың көтергіштігін және оның жүктеме кезіндегі өзгерісін дәл бағалауға бағытталған.

Жер теліміне ұңғымалар қазылып, топырақтың ылғалдылығы мен тығыздығы әртүрлі тереңдікте өлшенді, сонымен қатар зертханалық зерттеулер үшін өзектердің үлгілері таңдалды. Алынған мәліметтер іргетастың сенімділігін және оның сыртқы әсерлерге, соның ішінде сейсмикалық тербелістер мен шөгу процестеріне төзімділігін анықтауға мүмкіндік береді. Сынақ нәтижелері бойынша жобалық шешімдерге түзетулер енгізу көзделген.

«ҚазҚСҒЗИ» АҚ ғимараттар мен құрылыстардың сенімділігі мен беріктігін қамтамасыз ету үшін озық әдістер мен технологияларды қолдана отырып, маңызды инфрақұрылымдық жобаларды іске асыруға өз үлесін қосуды жалғастыруда.