III Халықаралық «Индустриалды құрылыс» конференциясы өз жұмысын сәтті аяқтап, идеялар мен тәжірибе алмасудың маңызды алаңына айналды.

Биылғы шараға Германия, Эстония, Корея, Өзбекстан, БАӘ, Моңғолия және Қазақстанды қоса алғанда, әлемнің 10-нан астам елінен сарапшылар қатысуда

Конференция жетекші мамандарды озық шешімдерді талқылау, тәжірибе алмасу және іскерлік байланыстар орнату мақсатында біріктіріп, индустриялық құрылыстың жаһандық маңыздылығын айқындайды

ТМД елдерінің сейсмикаға тұрақты құрылыс саласындағы Негізгі ұйымы және «ҚазҚСҒЗИ» АҚ атынан конференцияның ашылуында Бас директор Бегман Кульбаев құттықтау сөз сөйледі

Өз сөзінде ол «ҚазҚСҒЗИ» АҚ-ның индустриялық құрылыс саласындағы зерттеулер мен әзірлемелерге белсенді қатысатынын атап өтіп, ұйым жұмысының негізгі бағыттарына тоқталды. Атап айтқанда, Қазақстанда құрастырмалы темірбетонды қолдану бойынша ғылыми зерттеулер негізінде техникалық нормаларды әзірлеу, сондай-ақ құрастырмалы конструкциялардың сейсмотұрақтылығын зерттеу, бұл әсіресе Алматы және басқа да сейсмикалық қауіпті аймақтар үшін өзекті. Сонымен қатар, ол модульдік құрылыстың техникалық және экономикалық талдауына ерекше мән берді.

Сондай-ақ, ол Негізгі ұйым аясында құрастырмалы темірбетон құрылыс жүйелерін қолдану, сейсмикалық қауіпті аймақтарда азаматтық және қоғамдық ғимараттар салу мәселелерін талқылауға алаң ұсынуға әрдайым дайын екендігін жеткізді.

Конференция екі күнге созылды. Бірінші күні қатысушылар тақырыпқа қатысты өзекті мәселелер бойынша баяндамалар жасаса, екінші күні «ҚазҚСҒЗИ» АҚ алаңында «Қойма инфрақұрылымы. Құрастырмалы темірбетоннан қоймалар салу» тақырыбында дөңгелек үстел өтті.