ТМД қатысушы мемлекеттердің сейсмикаға төзімді құрылыс саласындағы базалық ұйым өкілдері Алматы қ. метрополитеннің құрылыс алаңына барды. Қазір қалада Б. Момышұлы метро станциясынан Қалқаман станциясына дейінгі үшінші іске қосу кешені салынуда.

Сапар «ҚазҚСҒЗИ» АҚ мен метрополитеннің бас жобалаушысы «Метропроект» ЖШС арасындағы ынтымақтастық аясында ағымдағы құрылыс жұмыстарымен танысу және салынып жатқан конструкциялардың сейсмикалық төзімділігін бағалау үшін ұйымдастырылды.

Делегация тоннел үңгілей қазу кешенінің жұмысын қарап, сейсмикалық қауіпті аймақтардағы жерасты жұмыстарының ерекшеліктерін талқылады. Жер асты құрылыстарына жер сілкінісінің әсер ету ерекшелігіне баса назар аударылды, олар табиғаты бойынша жер үсті құрылымдарына әсер етуден өзгеше.

Қатысушылар сондай-ақ Алматының тасты топырағымен тиімді күресетін метроны үңгілей қазу техниканың жұмысымен танысты.

Естеріңізге сала кетейік, бұған дейін «ҚазҚСҒЗИ» АҚ өкілдері құрылыс конструкцияларының тұрақтылығы мен қауіпсіздігін қамтамасыз ету үшін топырақты нығайту жөніндегі зерттеулерді қоса алғанда, метрополитен құрылысының әрбір кезеңінде енгізілген өз зерттеулері мен әзірлемелерінің нәтижелерін көрсеткен болатын.