«ҚазҚСҒЗИ» АҚ Шымкент қаласы, Қаратау ауданындағы 9 қабатты ірі панельді тұрғын үйге вибродинамикалық сынақ жүргізуде.

Зерттеудің негізгі мақсаты – ғимараттың сенімділігін және сейсмикалық жүктемелер кезіндегі мінез-құлқын тексеру.

Сынақ барысында тербелістің нақты параметрлері тіркеліп, есептік деректермен салыстылатын болады. Негізгі көтергіш конструкциялардың динамикалық әсерлер кезіндегі жұмысы зерттеліп, ғимараттың 7–8 баллдық жер сілкінісіне төзімділігі бағаланады.

Нысанға динамикалық жүктемелер В-3 типті инерциялық әсер ететін вибромашина арқылы беріледі. Бұл сейсмикалық әсерлерді барынша дәл модельдеуге мүмкіндік береді.

Айта кетейік, В-3 типті вибромашинаны пайдалана отырып, «ҚазҚСҒЗИ» АҚ институты Қазақстанда және ТМД елдерінде ондаған нысандарға сынақ жүргізген болатын.

Қазіргі уақытта аталған ғимаратты зерттеу жалғасуда.